தமிழக அரசியல் வரலாற்றில் பல தசாப்தங்களாக நீடித்து வந்த திமுக, அதிமுக என்ற இருதுருவ அரசியல் சகாப்தம், 2026 சட்டமன்றத் தேர்தல் முடிவுகளின் மூலம் ஒரு புதிய திருப்பத்தைச் சந்தித்துள்ளது.
தமிழக அரசியல் களத்தில் தடம் பதித்த தமிழக வெற்றிக் கழகம், தான் சந்தித்த முதல் பொதுத்தேர்தலிலேயே 35 சதவீத வாக்குகளைப் பெற்று சாதனை படைத்திருப்பது ஒட்டுமொத்த அரசியல் அரங்கையும் வியப்பில் ஆழ்த்தியுள்ளது. மக்கள் மாற்றத்தை விரும்புகிறார்கள் என்பதை இந்த தேர்தல் முடிவுகள் மிக ஆணித்தரமாக உணர்த்தியுள்ளன.
இந்த வரலாற்றுச் சிறப்புமிக்க மாற்றம் குறித்து கருத்து தெரிவித்துள்ள முன்னாள் அமைச்சர் பி.டி.ஆர். பழனிவேல் தியாகராஜன், “தான் சந்தித்த முதல் தேர்தலிலேயே தவெக 35% வாக்குகளை பெறும் என்று நான் ஒருபோதும் எதிர்பார்க்கவில்லை. நாம் நிச்சயமாக ஒரு புது யுகத்தில் இருக்கிறோம். திமுக, அதிமுக என்ற இருதுருவ கட்சிகளின் அரசியல் முடிவுக்கு வந்து ஒரு புதிய சகாப்தம் தொடங்கியுள்ளது” என்று தனது கடிதத்தில் நெகிழ்ச்சியுடனும் ஆச்சரியத்துடனும் குறிப்பிட்டுள்ளார்.
இந்நிலையில் ஒரு மூத்த மற்றும் அனுபவம் வாய்ந்த தலைவரின் இந்த வெளிப்படையான கருத்து, தமிழக அரசியல் களம் இனி புதிய பாதையை நோக்கிப் பயணிக்கப் போகிறது என்பதையும், புதியதொரு சகாப்தம் அதிகாரப்பூர்வமாகத் தொடங்கிவிட்டது என்பதையும் அப்பட்டமாகப் பிரதிபலிக்கிறது.